Ish ministri i MPJ-së, në Shqipëri, Ditmir Bushati, caktohet i dërguar i posacëm për OSBE-në. Lajmi është bërë i ditur përmes një njoftimi në faqen zyrtare të OSBE. Bushati kryeson listën e personave që gjatë këtij viti do të drejtojnë fusha të caktuara.
Ajo që bie në sy është fakti që në dallim me emërimet e tjera të cilët mbulojnë një fushë specifike, z.Bushati në cilësinë e të dërguarit të posacëm do të trajtojë cështje dhe problematika të të gjitha fushave me të cilat kryesia mund të përvallet gjatë drejtimit të organizatës.
I dërguari i posacëm është një risi e Presidencës Shqiptare të OSBE-së, pasi presidencat e shkuara nuk kanë pasur një pozicion të tillë. Mbetet për t’u parë nëse kjo ka ardhur si rezultat i situatës në të cilën ndodhet vendi yne me Kryeministrin në pozicionin edhe të ministrit të Jashtëm. Ditmir Bushati shërbente në detyrën e Ministrit të Jashtëm kur Shqipëria fitoi drejtimin e Presidencës së OSBE për vitin 2020 por vetëm 1 muaj më pas u shkarkua nga detyra.
