Shoqata “Penda” ka njoftuar organizimin e një simpoziumi shkencor me rastin e shënimit të 148-vjetorit të Lidhjes së Prizrenit, një nga ngjarjet më të rëndësishme në historinë kombëtare shqiptare.
Veprimtaria do të mbahet më 10 qershor 2026, duke filluar në ora 18:00, në Sallën e Kuvendit të Komunës së Tuzit.
Në këtë simpozium do të ligjërojnë:
- Dom Nikë Ukgjini
- Dr. Nexhat Avdiu
- Mr. Mark Junçaj
- Mr. Marjan Lulgjuraj
Organizatorët ftojnë të interesuarit që të marrin pjesë në këtë veprimtari shkencore kushtuar Lidhjes së Prizrenit, e cila mbetet një simbol i rëndësishëm i organizimit politik dhe kombëtar të shqiptarëve.
Shoqata “Penda” thekson se përmes këtij simpoziumi synon të kujtojë dhe të vlerësojë rëndësinë historike të Lidhjes së Prizrenit, si dhe të kontribuojë në ruajtjen dhe promovimin e trashëgimisë sonë kombëtare.
/MALESIA.ORG/
