Për nder të Ditës Ndërkombëtare të Librit, ditën e enjtë, më datë 23 prill 2026, në hapësirat e sallës së kuvendit të Komunës së Tuzit, Shoqata “Penda” organizoi përurimin e librit ” Aventurat e Dorartit” të autorit Gazmend Çitaku.
Në emër të organizatorit të pranishmit i përshëndeti Anton Nucullaj, i cili, ndër të tjera theksoi se Shoqata “Penda” do të vazhdoi me organizime të ndryshme kulturore dhe shkencore. Për librin në fjalë folën z. Ali Gjeçbritaj, që bëri një përshkrim të veprës dhe i paraqiti disa të dhëna për autorin, si edhe znj. Sidorela Berishaj, e cila paraqiti një analizë mbi librin.
Pas përurimi vijoj me bashkëbisedim mes shkrimtarës, znj. Nevila Nikaj, e cila edhe e moderoi përurimin, dhe vetë autorit, Gazmend Çitaku. Autori në bashkëbisedimin e tij, ndër të tjera shpalosi arsyet që e shtynë t’a shkruaj këtë libër, me të cilin, përmes tregimeve, fëmijët mund të mësojnë edhe për të kaluarën, si edhe, ndër të tjera pohoi “se Dorarti nuk do të thotë se është vetëm nga Ulqini, mund të jetë edhe nga Malësia.” Ndërkohë, Dren Berishaj, nxënës i kl. III të SHF “Mahmut Lekiq” dhe Antoneta Arapaj, nxënëse e vitit I të SHMP “25 maji” lexuan fragmente nga “Aventurat e Dorartit”. Në fund, autori shpërndau librat falas dhe vazhdoi bisedën joformale me publikun gjatë një kokteli modest.
Shoqata “Penda”
