Komisioni për Infrastrukturë i UEFA-s ka aprovuar zyrtarisht më 1 korrik 2025 licencimin e stadiumit të KF Deçiqit për garat evropiane.
Me këtë vendim, KF Deçiqi fiton të drejtën që të zhvillojë ndeshjet e raundit të parë dhe të dytë të kualifikimeve në kuadër të UEFA Conference League në stadiumin e vet në Tuz.
Ky është një hap historik për klubin dhe për futbollin në Malësi, duke e vendosur Deçiqin në hartën e garave evropiane si nikoqir i denjë në fushën e vet.
Stadiumi i qytetit tashmë është emëruar Arena Besa.
Në kohën kur KF Deçiqi menaxhohej nga strukturat e Podgoricës, stadiumi ishte në gjendje shumë të keqe dhe nuk i përmbushte as kushtet minimale për ndeshje vendore, e jo më për ato ndërkombëtare.
