Pas reagimeve të shumta por edhe protestave qytetare, ulqinakëve do të u kthehen plazhet të cilat i kishin me qira në Plazhin e Madh, e të cilat përmes ligjit të cilin e kishte kaluar Qeveria e Malit të Zi, i pati fituar një kompani arabe.
Kryesia e komunës së Ulqinit dhe vendasit e kishin kundërshtuar ashpër këtë vendim dhe organizuan protesta.
Ata kishin paralajmërur se nuk do të pranojnë këtë padrejtësi dhe se do të vazhdojnë me protesta në mbrojtje të qytetarëve.
Tërheqja e investitorit arab u njoftua sot në takimin e kryeministrit të Malit të Zi, Millojko Spajiq, me kryetarin e komunës së Ulqinit, Genci Nimanbegu në Ulqin.
Nimanbegu tha se investitorët janë të mirëseardhur në Ulqin por se do të punojnë vetëm në interes të komunitetit.
/MALESIA.ORG/
