Forumi Shqiptar dhe Iniciativa Qytetare Kroate (HGI) kanë rënë dakord për veprim të përbashkët në procesin e formimit të qeverisë së re, tha për Portalin RTMZ Nik Gjeloshaj, bartësi i listës së Forumit Shqiptar dhe kryetar i Komunës së Tuzit.
Ai theksoi se në negociatat eventuale të dyja palët do të hyjnë me një qëndrim të qartë – së bashku pjesë e pushtetit apo së bashku në opozitë.
“Siç e thashë menjëherë pas zgjedhjeve, tubimi i partive të pakicave rreth veprimit të përbashkët në procesin e formimit të qeverisë është shumë i rëndësishëm. Në këtë kuptim, ai proces ka filluar, unë dhe Adrijan Vuksanoviq (HGI) kemi rënë dakord për veprim të përbashkët. në mënyrë që së bashku të shkojmë në negociata të mundshme”, ka thënë Gjeloshaj.
Ai shtoi se do të vazhdojnë bisedimet edhe me partitë tjera të pakicave që kanë përfaqësues në Kuvendin e Malit të Zi – Partinë Boshnjake, Unioni Demokratik të Shqiptarëve dhe FORCË-n. “Si gjithmonë, pakicat do të jenë shtylla e pushtetit të ri ekzekutiv dhe garancia e rrugës euroatlantike të Malit të Zi dhe përmes kontributit tonë për të forcuar vlerat perëndimore për të cilat synon dhe kultivon Mali i Zi.
Aleanca e Malit të Zi me SHBA-në dhe BE dhe një aleat i fortë i NATO-s është prioritet i veprimeve tona krahas aktiviteteve tashmë të njohura për përmirësimin e standardit ekonomik të qytetarëve të Malit të Zi”, theksoi Gjeloshaj.
