Lexoni me poshtë Ftesën për bashkëpunim si dhe informacionet rreth këtij projekti.
Ftesë për bashkëpunim
Shoqata e të Burgosurve Politikë e Kosovës ka miratuar planin për përpilimin e Leksikonit të të burgosurve politikë shqiptarë në Jugosllavi, të titulluar ’’Amza e lirisë- Leksikoni i të burgosurve politikë shqiptarë, 1944-1999’’
Realizimin e këtij Projketi madhor, Leksikonit, që do të përmbajë jetëshkrimin e shkurtër të të gjithë shqiptarëve të cilët, për shkak të bindjeve, qëndrimeve a veprimtarisë së tyre politike, janë arrestuar e, më pas, janë ekzekutuar a dënuar me burg nga organet e shtetit pushtues jugosllav, e kanë marrë përsipër një numër i konsiderueshëm i studiuesve dhe veprimtarëve vullnetmirë.
– Duke pritur që ky Projekt do të vlerësohet edhe nga shqiptarët në Mal të Zi, të cilët asnjëherë s’ e kanë parë fatin e vet të ndarë nga fati i pjesëve të tjera të Atdheut, gjë që e kanë dëshmuar me kontributin e dhënë në periudha vendimtare historike për çlirim e bashkim kombëtar ;
– duke pasur pararsysh faktin se në takimet e rastit që kam pasur, z. Mehmet Bardhi, z. Saubih Mehmeti, z. Nail Draga, z. Luigj Junçja dhe z. Ali Daci e kanë mirëpritur këtë Projekt dhe janë zotuar se do të angazhohen në raealizimin e tij;
– duke shpresuar se do të kem përkrahjen dhe do të bashkëpunoj ngushtë edhe me personalitete të tjera nga Ulqini, Plava e Gucia, Tuzi, Tivari, Rozhaja, por edhe me bashkatdhetarët tanë në mërgim,
me shumë dëshirë e kam pranuar detyrën e koordinimit të punëve për këto rajone.
Prandaj:
I ftoj për bashkëpunim të gjithë ata që mund të kontribuojnë që ky Projekt- Vëllimi – Të burgosurit politikë shqiptarë nga Mali i Zi, të jetë sa më i plotë. Realizimi me sukses i tij, përkatësisht botimi i kësaj vepre, do të jetë monument shkrimor dokumentar i mirëjohjes së përjetshme për sakrificat e tyre.
Me angazhim tē përbashkët, ia dalim!
Portali MALESIA.ORG përkrah jetësimin dhe realizmin në plotëni të këtij projekti madhor dhe me vlerë kombëtare.
