Ne skenën e QKI “Malesia” ne Tuz të enjten, me 15.06.2017 në ora 20h do të paraqitet shfaqja “10 Urdhimet”. Regjia: Dritan Sejamini, Luanë: Rita Gjeka
10 Urdhnimet janë dhjetë rregulla që kanë ndryshuar botën, janë dhjetë fjalë të shkruara në Bibël që kanë hedhur themelet e civilizimit, themelet e të gjitha ligjeve, atyre morale dhe juridike. Fjalë të thjeshta por të mbushura me një emocion esencial; mos keqpërdor emrin e Zotit… ndero nënë e babë… mos gënje… mos vrit… mos dëshiro gjënë e tjetrit… mos bëj tradhëti… Fraza të dëgjuara e të përsëritura me mijëra herë por sa pak të zbatuara! Morali sot është në krizë. Ne, njerëzit e kemi humbur rrugën. 10 Urdhnimet janë një këmbanë që bie fort si për të na pëmendur nga ky gjumë i thellë. Kjo shfaqje lind jo vetëm si një nevojë por edhe si detyrim për tëna rikujtuar se është e rëndësishme ta duash veten, sepse duke dashur veten do dish të duash edhe të tjerët, për tëna rikujtuar se jemi krijuar për të qënë të lumtur, për të rikujtuar se ka vetëm një cels për të hapur portën e lumturisë: Dashuria. Kjo shfaqje është një himn që i thuret dashurisë si burimi prej nga rrjedh gjithcka e bukur dhe e mirë që kjo tokë, që në fillim të krijimit të saj, përmban. Krejt e thjeshtë: Me dasht… ndoshta fjala më e përsëritur në këtë tekst por njëkohësisht edhe fjala më kuptimplotë, ajo që vërtet i jep sens ekzistencës sonë.
10 Urdhnimet janë një rrugëtim drejt të vërtetës por pa rënë në kurthin e moralizimit e pikërisht këtu qëndron forca e kësaj vepre. Në kohën ku jetojmë, të thuash të vërtetën është kthyer në dicka të domosdoshme, jetike. E vërteta gjithmonë ka qënë, është dhe do të jetë krejt e thjeshtë: me pak vullnet e me shumë dashuri mundemi që këtë botë ta bëjmë më të mirë prandaj le të zgjohemi, jemi ende në kohë, lë të duhemi, le të qeshim, le të jemi të lumtur… zgjohuni… të zgjohemi sa jemi ende në kohë… dielli është aty mbas malit dhe thjesht po pret të lindë…
Farah Lalevic, producente QKI “Malësia”
