Këto ditë Malësinë e preokupoi lajmi se Studimi i arësyetueshmërisë (Elaborati) për themelimin e komunës, të cilin e ka hartuar Firma Investiment-konsulting DOO Podgorica, me të cilen ka lidhur kontratë kryetari i Komunës urbane të Tuzit, zotri Frano Lulgjuraj, “tregon” se projekcioni i Buxhetit të komunës së ardhshme do të ishte në shumën prej 472.000,00 euro, thuhet në deklaratën e Iniciatives Qytetare dhënë për medie.
Ky punim tendencioz i porositur nga ata që mbajnë pushtetin në Komunën urbane në bashkëpunim me atë të Podgoricës, që sipas nesh dëmton Malësinë dhe tenton të çoj drejt prolongimit të njohjes së drejtës në vetëqeverisje lokale për qytetarët e Malësisë dhe shumë arësye të tjera, në veçanti dëshira jonë për të dëshmuar se Buxheti vjetor i Komunës së ardhshme të Malësisë/Tuz do të ishte përmbi 2.600.000,00 euro, obligoi Iniciativen qytetare që të publikoj Elaboratin e punuar nga ekspertet vendor, pa shpenzime të qytetarëve të Malësisë dhe “gjobitjen” e diasporës nga Malësia, siç janë mësuar të bëjnë vite me radhë, vazhdon deklarata.
Njëkohësisht njoftojmë opinionin se ky Elaborat i porositur nga deputet shqiptarë, Vasel Sinishtaj dhe Genci Nimanbegu, ka fituar mëndimin pozitiv nga Këshilli për Buxhet dhe financa i parlamentit të Malit të Zi, përfundon deklarata e IQ-së e nënshkruar nga Vasel Sinishtaj. /MALESIA.ORG/
Shkarkoni elaboratin e porositur nga deputetet Sinishtaj dhe Nimanbegu: Elaborati.pdf
