Kryesia e LD-së zgjodhi Mehmet Bardhin për bartës i listës i Lidhjes Demokratike kurse i dyti në listë është Nikollë Camaj. Ata gjithashtu po përgatiten që në zgjedhjet e marsit të dalin të pavarur. Megjithatë, kryesia e LD-së e len të hapur deri të hënën në mbrëmje mundësin e koalicionit me Forcen dhe Alternavien Shqiptare.
Në rast të mossuksesit të bisedimeve, në zgjedhje do të dalin të vetëm
Lidhja Demokratike, Forca, Alternativa Shqiptare, Aliansa e Re dhe Unioni Demokratik i cili as nuk kishte paralajmëruar ndonjë koalicion. Në garë për votat shqiptare është edhe koalicioni malazez DPS-SDP.
Tashmë, Alternativa Shqiptare është në krizë në mes dy rrymave, ajo e Nikë Gjeloshaj dhe Vasel Sinishtaj. Me zgjedhjen e Nikë Gjeloshaj për bartës të listës i ASH-së, grupacioni i Vasel Sinishtaj i cili kundërshton këtë vendim dhe e quan të parregullt, ofroi Lidhjes Demokratike koalicionin. Lidhja Demokratike nuk pranon që bisedime për koalicion të bëj me grupacione të paregjistruara, siç është grupi i Vasel Sinishtaj.
Sipas informatave jozyrtare, të gjitha subjektet shqiptare do të kenë edhe një raund bisedimesh për koalicion, megjithatë gjasat për një marrëveshje janë minimale.
Në fillim të bisedimeve shihej një dozë e madhe optimizmi për formimin e një koalicioni të gjerë shqiptarë, mirëpo kjo nuk zgjati, pasi problemi kryesore i partive shqiptare gjithnjë është se kush do të jenë i pari në listë.
Unioni Demokratik i Ferhat Dinoshës që në fillim kishte paralajmëruar se në zgjedhje do të dalin të pavarur e mbas zgjedhjeve do të formojë koalicion me DPS-SDP, partneret e tyre në qeverinë malazeze. / burimi: Dan /
