Shoqata “Penda” do të organizojë më 18 gusht aktivitetin kulturor “Malësia për Fishtën”, kushtuar figurës dhe veprës së njërit prej personaliteteve më të shquara të letërsisë dhe kulturës shqiptare, At’ Gjergj Fishtës.
Aktiviteti do të mbahet në Parkun Memorial në Bozhaj, më 18 gusht 2026 duke filluar në orën 19:30, me rastin e 155-vjetorit të lindjes së At’ Gjergj Fishtës.
Mbrëmja do të përfshijë diskutime mbi jetën, veprën dhe trashëgiminë e Fishtës, si dhe interpretime letrare nga veprat e tij.
Në panel do të marrin pjesë prof. dr. Vinçenc Marku, hoxhë Nadir Bajraktari, Mr. Liridona Sinishtaj-Doçe dhe Pater Mirash Marinaj, ndërsa aktivitetin do ta moderojë Sidorela Berishaj.
Pjesë e programit do të jenë edhe interpretimet letrare nga Nevila Nikaj, Kristina Lulguraj dhe Antoneta Arapaj.
Përmes këtij aktiviteti, Shoqata “Penda” synon të sjellë në vëmendje kontributin e At’ Gjergj Fishtës dhe rëndësinë e trashëgimisë së tij në kulturën dhe identitetin shqiptar.
Organizatorët ftojnë qytetarët që t’i bashkohen kësaj mbrëmjeje kushtuar Fishtës.
/MALESIA.ORG/
