KF Deçiqi ka regjistruar një fitore të rëndësishme në transfertë, duke mposhtur Jezeron në Berane me rezultat 2:1 dhe duke i dhënë fund serisë prej tri ndeshjesh pa fitore.
Ekipi nga Malësia e nisi ndeshjen në mënyrë të shkëlqyer, duke zgjidhur praktikisht gjithçka që në minutat e para. Vetëm 68 sekonda pas fillimit, Asmir Kajeviq kaloi Deçiqin në epërsi. Pak minuta më vonë, në minutën e pestë, Andrej Bajoviq shfrytëzoi një gabim të portierit vendas dhe dyfishoi avantazhin e mysafirëve.
Vendasit arritën të ngushtojnë rezultatin vetëm në minutën e 85-të por Deçiqi arriti ta ruajë epërsinë deri në fund për të marrë tri pikë të vlefshme.
/MALESIA.ORG/
