Nga sot, Malësia e Madhe ka tre qytetarë nderi që e kanë bërë krenare jo vetëm rajonin, por gjithë kombin: Jurgen Uldedaj, Armando Broja dhe Mario Mitaj.
Jurgen Uldedaj, kampion bote në boks, ka arritur një sukses të jashtëzakonshëm, duke u shndërruar në një simbol të përkushtimit, disiplinës dhe krenarisë kombëtare.
Armando Broja dhe Mario Mitaj, dy futbollistë të talentuar të Kombëtares Shqiptare, me paraqitjet e tyre dinjitoze, kanë dëshmuar profesionalizëm, talent dhe pasion të palëkundur për fanellën kuqezi, duke u bërë frymëzim për të gjithë tifozët dhe brezat e rinj.
Këta tre djem të jashtëzakonshëm kanë ngritur emrin e vendit tonë në nivelet më të larta të futbollit dhe boksit, duke treguar se me punë, talent dhe përkushtim, çdo ëndërr është e arritshme. Ata janë një burim i vërtetë frymëzimi për të rinjtë e Malësisë dhe të gjithë Shqipërisë.
/MALESIA.ORG/
