Partitë Shqiptare që garuan në koalicionin “Lista shqiptare”, kryesuar nga Nik Gjeloshaj ulen të enjten në negociata me Zdravko Krivokapiç, të mandatuarin për formimin e qeverisë së re të Malit të Zi.
Nikollë Camaj, përfaqësuesi i komunes së Tuzit, njëherësh kryetar i Lidhjes Demokratike Shqiptare, thotë për të qenë pjesë e qeverisjes ata kërkojnë të mos preken interesat e shqiptarëve dhe rruga integruese drejt BE, raporton “Ora News”.
Por kushte të panegociueshme nuk ka.
Java e parë e nëntorit është afati i fundit që kanë partitë fituese në këto zgjedhje të formojnë qeverinë e re.
Sipas gjasave partitë shqiptare në Mal të Zi mund të kërkojnë më shumë se një post ministror dhe zv/kryeministrin në qeverinë e re, por gjithçka do të varet nga negociatat që do të mbahen në Podgoricë.
