Në rast të një fatkeqësie të madhe është e zakonshme për kompanitë për të treguar anën njerëzore të tyre, duke u përfshirë edhe ato në ndihmën e të mbijetuarve.
Megjithatë, mënyra se si Telekomi i Malit të Zi ka vendosur për të ndihmuar viktimat e tërmetit katastrofik në Nepal u ballafaqua me tallje në të gjithë rajonin, shkruajnë mediat e huaja, transmeton Telegrafi.
“Ndihma” që telekomi malazez do të ofrojë për popullin e Nepalit është thirrje dhe mesazhe (sms) falas nga Mali i Zi në Nepal dhe anasjelltas, ironike!?
“Telekomi malazez i është bashkuar aksionit humanitare të grupacionit Deutsche Telekom, në ofrimin e ndihmës për popullatën e Nepalit, e cila u godit së fundmi nga tërmeti katastrofik. Telekomi do të ofrojë shërbime falas të thirrjeve dhe mesazheve nga Mali i Zi për në Nepal, si dhe shërbimeve roaming për ata (klientët e telekomit malazez) që gjenden atje për tu ofruar ndihmë qytetarëve të atjeshëm”, thuhet ndër tjerash në njoftimin e Telekomit malazez.
Dhe si rezultat, kanë pasuar komentet të cilat përveç ironisë, paraqesin edhe mllefin që shprehin malazezët me këtë “ndihmë”.
“Faleminderit, kryesisht të gjithë e kanë dikë në Nepal, kjo do të thotë shumë për ne. Natyrisht, njerëzit nga Nepali kanë nevojë për të biseduar me ne në këto momente të vështira”, ka qenë njëri nga komentet.
“Tani do ta thërrasë tezen time në Nepal. E turpi mbi ju!…”, ka shkruar me ironi një tjetër.
Një tjetër ka shkruar gjithashtu: “Tani është një lehtësim, unë mund të bisedojë pa kufi me të gjithë miqtë nga Nepali. Si nuk ju vjen turp!”.
Gazeta Vijesti për këtë rast kishte publikuar një artikull me titull ironik “Nuk ju ka faj Telekomi malazez pse ju nuk njihni askënd në Nepal”. /Telegrafi/MALESIA.ORG/
