Kuvendi i Kosovës ka zgjedhur sonte Justina Shiroka-Pulën presidente të Republikës së Kosovës, duke i dhënë fund një ngërçi të gjatë politik dhe duke shmangur shpërndarjen e Kuvendit dhe zgjedhjet e reja.
Shiroka-Pula, akademike dhe kryetare e Akademisë së Shkencave dhe Arteve të Kosovës, u propozua nga kryeministri Albin Kurti, ndërsa kandidatura e saj u pranua nga PDK-ja.
Në të njëjtën seancë, Kuvendi miratoi edhe ndryshimet në Ligjin për Dhomat e Specializuara dhe Zyrën e Prokurorit të Specializuar. Projektligji në tërësi u miratua me 88 vota pro, ndërsa amendamenti u miratua me 90 vota pro. Ndryshimet parashohin, ndër të tjera, kufizimin e dënimeve në 15 vjet, mundësinë e vuajtjes së dënimit në Kosovë dhe të drejtën e ankimit në Gjykatën Supreme të Kosovës.
Me zgjedhjen e presidentes, Kosova shmang një tjetër palë zgjedhjesh të parakohshme dhe hap rrugën për funksionimin e plotë të institucioneve të vendit.
/MALESIA.ORG/
