Ministria e të Drejtave të Njeriut dhe të Pakicave prezantoi sot në një takim në Beçiq pranë Budvës ndryshimet në Ligjin për Pakicat në Mal të Zi, një akt ligjor që përmirëson pozicionin e pakicave në Mal të Zi.
Ministria e të Drejtave të Njeriut dhe të Pakicave do t’i marrë seriozisht dhe do t’i shqyrtojë të gjitha propozimet që erdhën nga këshillat kombëtare dhe sektori joqeveritar në përputhje me rekomandimet e Këshillit të Evropës dhe Komisionit të Venedikut.
Komisioni i Venedikut ka rekomanduar që ndryshimet në ligj të përfundojnë deri në dhjetor të vitit 2026.
Në takimin e grupit të punës morën pjesë përfaqësues të këshillave kombëtare, organizatave joqeveritare dhe institucioneve shtetërore që merren me çështjet e pakicave. Në panel ishin sekretari shtetëror Astrit Hoxha dhe drejtori i përgjithshëm i Drejtorisë për Popujt Pakicë, mr. Arben Xhurreta, së bashku me zyrtarë të tjerë të Ministrisë së të Drejtave të Njeriut dhe të Pakicave.
Ky proces synon forcimin e të drejtave të komuniteteve pakicë dhe avancimin e standardeve demokratike në Mal të Zi.
