Sonte, më 25 korrik, më sallën e Kuvendit të Komunës së Tuzit u promovua libri “Femicidi – Gruaja ndërmjet pabarazisë zakonore dhe civilizimit të vdekjes”, autorit akademik Anton Kolë Berishaj.
Ky botim trajton me kujdes dhe thellësi çështjet gjinore, duke analizuar pozitën e gruas në shoqëri dhe fenomenin e femicidit nga këndvështrime sociologjike dhe humane.
Në promovim morën pjesë profesorë dhe studiues të njohur, mes tyre prof. dr. Frashër Demaj, doktorantja Sibel Halimi dhe prof. dr. Anton Vukpalaj, të cilët sollën reflektime të vyera mbi temat që ngre libri.
Autori shprehu kënaqësi që ky promovim u mbajt në vendlindjen e tij dhe falënderoi të pranishmit për interesimin dhe respektin ndaj veprës.
Mbrëmja u vlerësua si një ngjarje e rëndësishme për pasurimin kulturor dhe intelektual për Malësinë.
