Kombëtarja jonë ka luajtur pa gola kundër Serbisë sonte në stadiumin Arena Kombëtare në Tiranë, dhe kështu kanë siguruar nga një pikë secila.
Shqipëria e ka humbur shansin që të dalë në epërsi përmes një penaltie në të cilën ka dështuar të shënojë Rey Manaj.
Shqipëria dhe Serbia janë pjesë e Grupit K për ndeshjet kualifikuese në Kampionatin Botëror 2026, së bashku me Letoninë, Andorrën dhe Anglinë.
Me pikët e fituara të shtunën, Shqipëria zë vendin e dytë në grupin K me katër pikë, ndërsa Serbia është e parafundit me një pikë.
