Kryesia e Forumit Shqiptar do të vendosë deri në fund të shkurtit nëse do të vazhdojnë pjesëmarrjen në Qeverinë e Millojko Spajiqit apo do të largohet prej saj, ka thënë, zëvendëskryeministri dhe ministri i Zhvillimit Ekonomik Nik Gjeloshaj.
Shkak për këtë lëvizje, thotë ai, janë vendimet e fundit të Qeverisë. Partitë shqiptare janë shprehur të pakënaqura për tenderin e shpallur për dhënien me qira të plazheve dhe se Ulqini do të jetë më i prekur nga ai.
“Do të ketë vendime të mëdha për Forumin Shqiptar dhe popullin shqiptar dhe një nga pikat e rendit të ditës do të jetë shqyrtimi i pjesëmarrjes në Qeveri”, tha Gjeloshaj.
Ai thq se çdo vendim do të merret bashkërisht në emër të dy subjekteve, Forumit Shqiptar dhe UDSh-së, me synim bashkimin dhe forcimin e faktorit shqiptar në skenën politike të Malit të Zi.
/MALESIA.ORG/
