Janë të shumtë liderët botërorë të cilët sot kanë uruar Kosovën në ditën e shpalljes së pavarësisë, megjithatë një urim mungoi nga Kryeministri i Malit të Zi, Zdravko Krivokapic.
Ndërkaq, si reagim në injorimin nga ana e Kryeministrit malazez, Kryetari i Komunës së Tuzit, Nik Gjeloshaj, në faqen e tij të facebook-ut postoi fotografinë e ndërtesës së komunës në të cilën shihet flamuri shqiptar dhe ai i shtetit të Kosovës, me mesazh:
Përshendetje nga Komuna e Tuzit për Qeverinë e Malit të Zi dhe Kryeministrin Zdravko Krivokapić !!
Edhe përkundër injorimit të Kryeministrit Krivokapic, zëvëndës-kryeministri Dritan Abazoviq sot kishte dërguar mesazh urimi për ditën e shpalljes së pavarësisë së Kosovës.
/MALESIA.ORG/
