Nga Drejtoria e Policisë në Tivar kanë njoftuar se kanë filluar kërkesën e procedurës së kundërvajtës kundër shtetasit shqiptar I.D. (64).
Shtetasi shqiptar është dënuar me gjobë prej 300 eurosh si dhe masë dëbimi nga Mali i Zi për kohëzgjatje një mujore, shkruan Analitika, transmeton Malesia.org.
”I.D. dje, në të XIII-in vit jubilar të Ditës së gështenjës ka prishur ligjin dhe rendin duke valëvitur flamurin e Republikës së Shqipërisë”, thuhet në deklaratë.
Kujtojmë se dje në Krajë u mbajt manifestimi tradicional “Ditët e gështenjës”.
Është e turpshme që në një shtet siç është Mali i Zi, i cili deklarohet shtet demokratik dhe i lirë, dhe pretendon anëtarësimin në BE, të ndalojë përdorimin e lirë të flamurit te popullit autokton, në këtë rast, edhe në përdorim privat. /MALESIA.ORG/
