Ministri shqiptar në qeverinë e Malit të Zi Mehmet Zenka, në një intervistë për RTCG deklaron se në festën e shqiptarëve në Tuz, pas rezultateve paraprake në të cilat Forumi Shqiptar mori numrin më të madh të votave, nuk kishte asgjë ofenduese për të tjerët.
“Flamuri shqiptar është një gjë normale për partitë shqiptare, sepse në fund të fundit ne jemi shqiptarë. Çfarë prisni ju, cilin flamur të përdorim?” pyet ministri Zenka, shkruan Ulqini-online.
Ai nuk sheh asgjë të diskutueshme edhe për brohoritjet për UÇK-në. Asgjë kundër Malit të Zi nuk ka pasur në ato festime, shtoi ai.
“Thjesht, vlera shqiptare u përlëvduan, asgjë më shumë.Ishte një natë e fitores dhe pak eufori kishte, por absolutisht asgjë nuk kishte që fyente dikë apo vlerat e të tjerëve,” tha Zenka.
Mediat në Mal të Zi dhe në Serbi gatë këtyre dy ditëve në fokus kishin festën e shqiptarëve pas suksesit në zgjedhjet e Tuzit.
