Këshilltarja e Lidhjes Demokratike Shqiptare, Albina Dreshaj, për të përditshmen ”Dan”, deklaroi se vendbanimi Dreshaj, është një nga fshatrat më të zhvilluara në Malësi, por jo duke falenderuar Komunën e Tuzit, por punës dhe përkushtimit të vetë banorëve.
Ashtu si edhe në vendet tjera në Malësi, thekson Dreshaj, pushteti i kujton ata vetëm para zgjedhjeve, kur me investime të vogla mundohen të përfitojë besimin e qytetarëve.
Duke pasur para sysh se shumica e familjeve në fshatin Dreshaj merren me bujqësi, Dreshaj thekson se atyre më së pakti u kushtohet vëmendje , e që sipas saj do të duhej t’u kushtohet më së shumti.
“Një nga problemet më të mëdha për të gjithë prodhuesit bujqësor në këto hapësira është tregu, gjegjësisht fakti se nuk kan plasman të sigurtë. Për këtë mendoj se e vetmja zgjidhje për këtë situatë do të ishte hapja e fabrikës për përpunimin e fruteve dhe perimeve , e që sikur të ishte fat do të duhej të funksiononte moti në Malësi”, deklaroi Dreshaj.
Dreshaj shprehet se shembujt për këtë se sa Komuna nuk kujdesohet për qytetarët e vet janë të dukshëm në ç’do hapë , madje edhe kalimin nëpër fshatin Dreshaj.
“Rruga për rreth fshatit është në gjendje katastrofale, asfalti në gjendje të mjerueshme saqë për ç’do ditë ndodhë që banorëve u prishen automjetet. Edhe pse pushteti në Tuz, konstant lavdërohet se si i mirmëban rrugët, brenda Komunës, ndërsa ka më shumë se një vit, që kur gropat nëpër rrugë përgjatë vendbanimeve tona, askush nuk i mbushë-arnon”, deklaroi Dreshaj.
/Albert Camaj/
