Nga Gjekë Gjonaj
Në kohën e sotme jemi të rrethuar me shumë lajme negative. Për fat të keq më shpesh dëgjojmë për fenomenet dhe dukuritë abnormale e patologjike se sa ato normale, vepra e sjellje që në psikologjinë sociale quhen devijuese. Për të këqiat moderne, krizën e moralit, konfliktet në familje, rritjen e përqindjes së delikuencës të të rinjve, korrupsionin, prostitucionin, abuzimet seksuale, krimin e organizuar, narkomaninë, alkoolizmin, duahnin , SIDA-n e etj, disa prej të cilave deri para disa dekadash ishin probleme vetëm të Perëndimit, kurse sot paraqesin problem global. Të gjitha këto dhe anomali të tjera famoze të shoqërisë së sotme moderne po e çorodisin njeriun, po e zhveshin atë nga vlerat njerëzore, e kështu me radhë.
Bota bashkëkohore sot gjendet në udhëkryq. Modernizimi i cili njeriut i ksihte premtuar lumturinë, përveç komoditeteve i solli atij kokëçarje. Njeriu i bashkëkohësisë në çdo shoqëri, përfshirë edhe shoqërinë shqiptare, ka nevojë që përmes mekanizmave të veta të luftojë këto dukuri dëmprurëse.
Sot më shumë se kurrë njeriu ka nevojë të jetë i mirë, human, bamirës, bujar, i fjalës e i besës, zemërgjerë, i ndershëm, tolerant, i drejtë, i sinqertë, i solidarizuar. Pra, të jetë në gjendje të dallojë të mirën dhe të keqen, të mësojë të dëgjojë zërin e arsyes dhe të ndergjegjes, zërin e mbrendshëm të tij dhe të jetë në gjendje të ndjekë këtë zë të brendshëm të zemrës së tij. Thënë shkurt kërkohet nga ai të mos bie në grackën ( kurthën) e devijimeve të shqoërisë së sotme.
E rëndësishme është të edukohemi dhe të arsimohemi, sepse ato janë armë të fuqishme. Veç kësaj duhet të bëjmë dhe të përhapim vepra të mira. Të edukojmë njëri-tjetrin. Të shpërndajmë njohuritë dhe përvojat tona, mjetet , kontaktet . Duhet të mbajmë qëndrim njerëzor e fisnik. Të tregojmë dashuri ndaj të gjthë njerëzve pa bërë dallime racore, shoqërore dhe fetare. Të jemi humanist. T’i duam njerëzit, që i njohim . Edhe ata që nuk i njohim. T’u dëshirojmë të mirën dhe lumturinë. Të jemi të dhembshur me ta. Të ndihmohemi në mes veti. E, mos t’ia kthejmë shpinën njëri-tjetrit. Kjo kërkohet jo vetëm nga ne ( njerëzit), por edhe nga kafshët dhe gjallesat . Me shembullin tonë ne edukojmë të tjerët dhe ndihmojmë që kjo botë të jetë një vend më i mirë për gjeneratat e ardhshme.
