Partitë opozitare kanë paralajmëruar se do të dërgojnë iniciativën partive të vogla për bisedime në formimin e qeverisë së re.
Sipas burimeve të gazetës “Dan”, në takimin e mbrëmshëm të partive opozitare , i cili u mbajt në ndërtesën e Parlamentit të Malit të Zi në Podgoricë, u ra dakord që nëse partitë e “pakicave” do të përkrahin formimin e qeverisë me ta, atyre do të ju ofrohet që shqiptarët apo boshnjakët të marrin postin e Kryeministrit.
Sipas shtypit, Fronti Demokratik do të përkrahte formimin e kësaj qeveri, por nuk do të merrte pjesë në të.
Ervin Ibrahimovic nga Partia boshnjake për CDM tha se nëse flasim për një shtet qytetarë dhe për kushte të barabarta për të gjithë, atëherë duhet të punohet në këtë drejtim, që njërën nga 3 funksionet shtetërore kryesore ta ketë dikush nga popujt pakicë.
Adrijan Vuksanovic nga Iniciativa Kroate tha se është i ri në politikë dhe nuk e shef vetën në një funksion siç është ai i Kryeministrit.
Ndërsa se çka mendon deputeti i ardhshëm i shqiptarëve, Genci Nimanbegu, nga CDM-ja njoftojnë se ende nuk kanë fituar një përgjigje.
Në rast të formimit të shumicës në mes të bllokut opozitarë me Forcën (parti shqiptare), Partinë boshnjake dhe Iniciativën Kroate, ata do të kenë 43 deputetë, me çka partia më e madhe, DPS-ja do të mbetët në opozitë.
Në anën tjetër, në rast të formimit të shumicës në mes DPS-së (36 mandate), Socialdemokratëve (2 mandate), Forcës (1 mandat), Partisë boshnjake (2 mandate) dhe Iniciativës Kroate (1 mandat) ato do të kenë shumicën më 42 deputetë. /MALESIA.ORG/
