“Britma e një gruaje” ishte shfaqja e radhës e regjisorit Idriz Gjokaj së bashku me ndihmës regjisorin Gjergj Gjonaj e cila u shfaq javën e kaluar në QKI Malësia në Tuz.
Me aktorët amator nga Malësia në mesin e të cilëve ka edhe aktor të cilët nder vite merren me sektorin e dramës në Malësi arritën ta sjellin në dramë romanin “Britma e një Gruaje” të shkrimtarit të njohur Fadil Kraja.
Përmes kësaj dramë u vunë në pah vlera më të larta të shqiptarëve siç janë ruajtja e nderit, besa, trimëria…
Kjo dramë u soll në mënyrën më të mirë të mundshme dhe përcodhi mesazhin që kishte, ajo jo vetëm se u mirëprit shumë mirë nga publiku i pranishëm por edhe nga syri i regjisorit Idriz Gjokaj është arritur ajo që ai ka dëshiruar.
Drama “Britma e një Gruaje” është shfaqë dy net me radhe për qytetarët e Malësisë duke ditur që brenda një nate është e pamundur që salla të zë gjithë publikun i cili ishte i interesuar ta përcjellin.
Kjo dramë jo vetëm se kishte një regji dhe tematik të qëlluar por gjithashtu për ta arritur perfeksionin e saj ajo kishte edhe skenografin dhe kostumografin e duhur.
“Britma e një gruaje” flet për ngjarjen e njohur të Kupe Danes (për të cilën ka edhe këngë) që shpëtoi nga çnderimi i përdhunshëm i ushtarëve turq një vajzë të re shkodrane të besimit katolik në fundin e shekullit të XIX.
Në role ishin: Marash Junçaj, Ali Beqiraj, Suzana Ujkaj, Viktor Dreshaj, Beqir Gjokaj, Lucë Junçaj, Marash Dedvukaj, Rasim Beqaj, Pashko Gjokaj, Gjeto Vulaj, Musa Gjokaj, Fran Dedvukaj, Tonin Junçaj, Besnik Gjonaj, Leon Junçaj, Marash Dukaj, Romeo Dreshaj, Gjeto Ulaj, Leon Camaj, Suzana Gjonaj, Valentina Vulaj, Merita Dedivanaj Lucaj, Flora Beqaj dhe Merita Gjokaj. Kostumografia:Mirsada Gjokaj. Skenografia Beqo Nanaj. Bashkregjisor Gjergj Gjonaj. Perzgjedhja e muzikës Luigj Dedvukaj. Realizimi teknik Gjon Junçaj.
/TV Boin/ /MALESIA.ORG/
