Sot rreth mesditës mësojmë se është arrestuar Naim Prelvukaj pasi që, sipas informatave që posedojmë, kishte tentuar të pengojnë kamionët të cilët po transportonin mbeturinat në depon e cila u hap edhe përkundër protestave të banorëve të fshatit Martinaj.
Jo zyrtarisht, mësojmë se ishin punonjësit e Komunales ata që lajmëruan policinë, ku pak më vonë Prelvukaj u arrestua.
Kujtojmë se Prelvukaj ishte ndër udhëheqësit e protestuesve nga Martinajt e Plavë e Gucisë, të cilët protestuan kundër vendosjes së deponisë së mbeturinave në afërsi të shtëpive të banimit dhe shumë afër burimeve të ujit të pijshëm i cili përdorët për disa fshatra. Deri në këto momente nuk ka informacione nëse Prelvukaj është liruar. /MALESIA.ORG/
