Partitë shqiptare të cilat janë pjesë e qeverisë së Malit të Zi nuk kanë marrë asnjë funksion në Qeveri. Vite me radhë shqiptarët janë përfaqsuar në qeveri me UDSh, parti e cila ka mbajtur edhe ministrinë e pakicave.
Para se të hynë në qeveri partive shqiptare i’u është premtuar nga tre vende ndihmës dhe këshilltar ministri si dhe vende në konsullata. Pas kërcënimeve se do të bojktojnë zgjedhjet presidenciale, PDS partive shqiptare u premtoi mbajtjen e referendumit konsulltativ për komunën e Tuzit në shtator, shkruan Vijesti në një analizë të vet rreth situatës aktuale politike në qeverinë e Malit të Zi.
Sipas kësaj analize tendenca e politikanëve shqiptarë që të distancohen nga PDS më shumë ka të bëjë me përgaditjet për zgjedhjet lokale se sa që ka gjasa që të ndodh. Mundësitë që PDS do të lejojë që partitë shqiptare të dalin nga koalicioni qeverisës janë të vogla duke patur parasysh imixhin qytetar të qeverisjes. Sipas kësaj analize, Forca mund të qetësohet me një kërcënim nga PDS për zgjedhje lokale në Ulqin, pasi mendohet që ngjarjet e fundit politike mund të kenë pasur ndikim në trupin votues shqiptar.
Subjekti tjetër politik i cili është pjesë e qeverisjes, Partia Demokratike me anë të kryetarit të vet është shprehur se koalicioni me PDS është afatgjatë dhe serioz duke mos lënë hapsirë për ndonjë ndryshim të rrugës së zgjedhur, së paku për momentin.
Nësë partitë shqiptare nga zgjedhjet e fundit kanë mbetur duarbosh apo duarplot do ta përcaktojnë zgjedhjet e ardhshme qofshin ato lokale apo parlamentare. /Ulqini Online/ – /MALESIA.ORG/
Fotomontazh nga Sejdio Ismaili
