Platforma e përbashkët e nënshkruar nga koalicioni shqiptarë Forca për Bashkim, Partia Boshnjake dhe Iniciativa Kroate, është aprovuar sonte nga kryesia e DPS-it, gjë që krijon kushtet për formimin e qeverisë së re, lajmëron agjensioni Mina.
Platforma e subjekteve të pakicave ende nuk është bë publike, por sipas informatave jozyrtare në platformë përfshihen kërkesat si ajo e përfaqësimit autentik të popujve pakicë në sektorin publik, gjë e cila nënkupton qeverinë, institucionet publike, administratën lokale etj. Kërkohet zhvillimi i barabartë rajonal, çka nënkupton investime dhe zhvillime në rajone ku jetojnë pakicat, decentralizimi i pushtetit etj.
Pritet që Partia Boshnjake të fitojnë vendin e nënkryetarit të parlamentit si dhe një ministri, kurse Forcës për Bashkim do ti takonte vendi i ministrit për pakica dhe të drejtave të njeriut. /Malesia.Org/
