Reagim i Shoqatës së Vëllazërisë Kosovë-Malësi e Madhe “Martin Dreshaj”
E kishte ngritur zërin e arsyes Shoqata jonë me protesta artistike e me shkresa drejtuar institucioneve të dy shteteve shqiptare dhe të organizmave ndërkombëtare që nga viti 2006 duke alarmuar për rrezikun që po i kanosej Ballkanit e Evropës nga fashizmi sllav. U kishim afruar këtyre edhe argumente e fakte me rrëfimet rrëqethëse nga aksioni famëkeq i Podgoricës në shtatorin e vitit2006. As edhe një zë i fuqishëm atëherë i reagimit nga Tirana e Prishtina. I kishim alarmuar Evropën dhe dy shtetet shqiptare edhe shumë herë tjera duke u treguar me fakte e argumente se fashizmi sllav po lulëzon e forcohet dhe këto alarme nuk ishin përfillur kurrë. As alarmi se po vidhet toka jonë nga Mali i Zi, as alarmi se shqiptarëve atje po iu shkelen të gjitha të drejtat nuk pati jehonë. As vizitat e tentim takimet me zyrtarë për këto çështje nuk gjetën jehonë. As letrat tona, protestat artistike e alarmet se në Kosovën Lindore gjendja është e tmerrshme nuk krijuan përshtypje në institucionet tona e në ato ndërkombëtare.
Ne e kishim alarmuar opinionin vendor, kombëtar e ndërkombëtar për rrezikun nga lulëzimi i fashizmit sllav, por as reagimet tona e bile as shfaqjet publike të këtij fashizmi nuk i kanë lënë përshtypje as qendrave të vendosjes e as institucioneve të Shqipërisë e Kosovës. Nuk i kanë lënë sepse Evropa, një pjesë e saj shumë bile, e kanë përkëdhelur me shekuj Serbinë e Malin e Zi .Kjo ka bërë që në teatrin e hijeve të zeza serbe vazhdojnë shfaqjet fashiste dhe të kërcënohet paqja e brishtë në Ballkan. Përkëdheljet e një pjese të Evropës “ua kanë bërë me sy” Serbisë e Malit të Zi që të vazhdojnë me shfaqjet kobzeza dhe ato vazhdojnë duke treguar se ishin dhe mbesin kundër çdo gjëje shqiptare. Ishin dhe mbesin kundër lirisë dhe paqes. Ishin dhe mbesin hije të zeza dhe të vazhdojnë me shfaqjet fashiste e plot urrejtje në trojet shqiptare e gjithmonë kundër çdo gjëje shqiptare.
Edhe një herë të drejtohemi Evropë kujdes nga fashizmi sllav. Edhe një herë Ju drejtohemi Institucione të Shqipërisë e Kosovës dhe gjithë liderëve,veprimtarëve e Shoqatave shqiptare kudo janë bashkohuni e të bëhemi zë i Malësisë dhe i Kosovës Lindore.
Rrahman Jasharaj, zëdhënës dhe koordinator për trojet etnike i Shoqatës së Vëllazërisë Kosovë-Malësi e Madhe “Martin Dreshaj”
