Përfaqësuesit e Koalicionit “Mali i Zi Evropian” – Milo Djukanovic dhe të partive të pakicave nënshkruan marrëveshjen për krijimin e shumicës parlamentare, gjë që do të mundësoj krijimin e qeverisë së re.
Në emër të Koalicionit “Mali i Zi Evropian” marrëveshjen e nënshkroi Milo Djukanovic (kryetari i DPS) kurse në emër të partive të pakicave kryetari i Partisë Boshnjake, Rafet Husovic. Të pranishëm ishin edhe përfaqësuesit e dy partive tjera të pakicave, Marija Vucinovic nga Iniciativa Kroate dhe Nazif Cungu nga Koalicioni “Për Bashkim” e cila përbëhet nga Forca e Re Demokratike, Iniciativa Qytetare – Tuz dhe Lëvizja Perspektiva.
Sipas fjalëve të Djukanovic, se kush do të jetë kryeministri i ri do të jetë e njohur kah fundi i javës apo fillimi i javës së ardhshme.
Djukanovic ka thënë se janë precizuar edhe të drejtat që koalicioni i partive të pakicave do të kenë në qeveri, por jemi pajtuar se çështja e posteve konkrete në qeverinë është çështje që do të diskutojnë përfaqësuesit e këtyre partive me mandatarin, kur të caktohet.
Në dokumentin e nënshkruar për formimin e shumicës, është edhe Fatmir Gjeka, përfaqësues i “Koalicionit Shqiptar” i cili përbëhet nga Lidhja Demokratike, Partia Demokratike dhe Alternativa Shqiptare.
Mbas nënshkrimit të marrëveshjes u mbajt mbledhje konstituive e parlamentit të ri të Malit të Zi
Parlamenti verifikoi mandatet deputetëve të ri dhe zgjodhi kryetarin e parlamentit.
Për kryetarë u rizgjodh Ranko Krivokapic, lider i SDP, parti pjesë e koalicionit Mali i Zi Evropian, kurse nënkryetarë u zgjodhën Suljo Mustafic nga Partia Boshnjake, Branko Radulovic nga opozita – Frondti Demokratik dhe Zeljko Sturanovic nga DPS. /Malesia.Org/
