Sot bëhen 26 vite që nga dita kur, me pak mundësi, por me shumë vullnet, u themelua në Malësi portali i parë shqiptar në Mal të Zi.
Ideja dhe misioni ishin dhe mbetën të qarta: Malësia të ketë një hapësirë informative të pavarur, të besueshme dhe të lirë, duke kontribuar njëkohësisht në ruajtjen dhe promovimin e kulturës, traditës dhe identitetit të saj.
Që nga dita e parë e deri sot, Malesia.org ka kaluar nëpër shumë ndryshime, sfida dhe periudha të vështira. Por ajo që nuk ka ndryshuar është përkushtimi për të informuar dhe për të ruajtur një zë të pavarur shqiptar.
26 vite më vonë, mund të themi me bindje se Malesia.org nuk është vetëm një portal. Është një pjesë e historisë së kohës sonë, një arkiv i ngjarjeve, zëri i njerëzve tanë dhe një dëshmi e rrugëtimit të Malësisë gjatë më shumë se një çerek shekulli.
Asgjë nga kjo nuk do të ishte e mundur pa lexuesit tanë, bashkëpunëtorët dhe të gjithë ata që, në forma të ndryshme, kanë qenë pranë Malesia.org ndër vite.
Mirënjohje për besimin dhe mbështetjen gjatë këtyre 26 viteve.
Misioni ynë vazhdon.
