Në kohën kur po diskutohen iniciativa për vendosjen e përmendoreve të reja në Tuz, është hedhur një propozim që vëmendja të përqendrohet tek një ngjarje me rëndësi të veçantë historike për Malësinë: Besëlidhja e Malësisë (28 qershor 1970), e cila shënoi fundin e gjakmarrjes ndaj të pafajshëmve.
Në mbledhjen e madhe e cila u mbajt më 28 qershor te vitit 1970 në Tuz, malësorët lidhen besen që në gjakmarrje mos te perfshihen familjaret e fisi i vrasesit. Përgjegjësia duhej të ishte individuale, jo kolektive
Sipas propozuesit Nicholas Sinishtaj, përmendorja do të duhej t’i kushtohej kësaj ngjarjeje historike dhe figurave që luajtën rol kyç në realizimin e kësaj besëlidhje, si Pater Gjergj Marstjepaj, Gjergj Daku Gjokaj dhe Imam Rexhep Lika.
Kjo iniciativë synon të vlerësojë një moment që konsiderohet ndër më të rëndësishmit në historinë moderne të Malësisë, duke reflektuar vlerat e bashkëjetesës, pajtimit dhe unitetit.
Sinishtaj thekson se kjo ngjarje dhe këta burra përfaqësojnë më së miri nderin, besimin, mirëqenien dhe Besën, që kanë karakterizuar gjithmonë Malësinë dhe popullin e saj.
Në thelb, ideja synon që përmes një përmendoreje të tillë, të ruhet kujtesa historike dhe të përcillet tek brezat e rinj mesazhi i pajtimit dhe bashkimit, si një nga vlerat më të çmuara të shoqërisë shqiptare.
/MALESIA.ORG/
