Në ndeshjen e sotme të kampionatit, të vlefshme për xhiron e 17-të, KF Deçiqi ka shënuar fitore të rëndësishme 4:2 ndaj Arsenalit nga Tivati.
Arsenali kaloi i pari në avantazh në minutën e 28-të me një penallti.
Megjithatë, para përfundimit të pjesës së parë, Deçiqi përmbysi rezultatin: fillimisht barazoi me golin e Endijajt në minutën e 39-të, ndërsa disa minuta më vonë Leon Ujkaj shënoi për 2:1 dhe epërsi të ekipit nga Tuzi.
Në fillim të pjesës së dytë, rezervisti Trimror Selimi u bë protagonist i ndeshjes duke realizuar dy gola të shpejtë — në minutën e 46-të dhe 61-të — duke çuar rezultatin në 4:1.
Arsenali arriti vetëm të ngushtojë diferencën në 4:2, por fitorja mbeti bindshëm në duart e Deçiqit.
/MALESIA.ORG/
