Në Tuz, më 28 nëntor 2025, do të mbahet koncert festiv kushtuar Ditës së Flamurit.
Manifestimi organizohet nga SHKA KOHA, në bashkëpunim me QKI “Malësia” dhe Këshillin Kombëtar Shqiptar, ndërsa mbështetet nga Organizata Turistike dhe Komuna e Tuzit.
Koncerti do të zhvillohet të premten, në orën 19:00, në sallën sportive të Shkollës fillore në Tuz. Në skenë do të performojnë shoqëritë artistike SHKA “Besa”, SHKA “Liria”, SHKA “Rapsha” dhe SHKA “Dedë Gjo Luli”, si edhe këngëtarë nga Malësia, të cilët do të sjellin atmosferën festive e kombëtare të kësaj dite të rëndësishme.
Organizatorët ftojnë të gjithë qytetarët të marrin pjesë dhe të festojnë së bashku 28 Nëntorin me këngë, valle dhe tradita malësore. Hyrja është e lirë.
Malesia.org
