Lexoni kumtesën e drejtorisë së festivalit “Rapsha 2021”:
Të nderuar bashkëvendas, të nderuar artistë nga të gjitha trojet etnike, e nderuara diasporë,
Ju njoftojmë se Drejtoria e Festivalit Mbarëkombëtar të Folklorit “Rapsha 2021”-Malësi e Madhe, të thirrur në masat epidemiologjike të publikuara nga Instituti i Shëndetit Publik i Malit të Zi, me datë 30 korrik 2021, e të cilat parashohin pezullimin e festivaleve, karnavaleve, kufizimet e mysafirëve në hotele dhe restorante dhe obligimin për vaksinim ose për test negativ në virusin COVID-19, dhe sipas vendimit që këto masa vlejnë më së paku deri me 20 gusht 2021, edhe përkundrejt të gjitha përpjekjeve dhe veprimtarive organizative dhe punës së pandërprerë për një organizim të mirëfilltë të një evenimenti të tillë madhështorë kulturor, në mbledhjen e mbajtur me datë 3 gusht 2021, solli vendim që të shtyjë mbajtjen e Festivalit Mbarëkombëtar të Folklorit “Rapsha 2021”-Malësi e Madhe.
Edhe pse në pamundësi për ta realizuar projektin e paraparë, Drejtoria e Festivalit i falënderon të gjithë ata të cilët në çfarëdo mënyre kanë kontribuar për të mundësuar realizimin e këtij projekti, emrat e të cilëve do ti publikojmë në postimin e radhës.
Drejtoria e Festivalit u kërkon ndjesë të gjithëve për pamundësinë e realizimit të këtij evenimenti të madh kulturor të shumëpritur nga të gjithë, me shpresë që në vitin 2022 situata epidemiologjike do të përmirësohet dhe do të na jepet mundësia për organizimin e Festivalit Mbarëkombëtar të Folklorit “Rapsha”-Malësi e Madhe.
Me respekt,
Drejtoria e Festivalit
