Me rastin e 100 vjetorit të lindjes së Nënë Terezës , sot, në ambientet e gjimnazit ”25 Maji” u organizua një takim nga grupi letrar “ Jehona”,me ç’rast ky grup mbylli edhe konkursin “Fjala artistike” -Integrimi i shoqëris sonë,të quajtur muaji i Nënë Terezës. Si fillim,fjalën e mbajti prof. Sehad Lulanaj, i cili në emër të këtij grupi foli mbi rëndësinë dhe jetën e Nënës Tereze. Ai gjithashtu ceku se këtë vit, numri i pjesëmarrësve për konkursin “ Fjala artistike” -Integrimi i shoqëris sonë ishte shume i vogël, ku me këtë bëri edhe kërkesë që radhën tjetër përkrahja e nxënësve për aktivitete të tilla të jetë më në nivel. Mbas këtij fjalimi shumë domethënës, u recituan edhe disa poezi të Nënës Tereze, nga nxënëset: Barbana Dushaj, Aurora Berisha, Afërdita Vulaj dhe nga nxënësi Anton Gjokaj. Gjithashtu për jetën dhe biografinë e Nënës Tereze folën : Maria Vulaj,Rina Nicaj dhe Nikolina Nicaj. Me analizimin e punimeve të nxënësve për konkursin e lartpërmendur, në emër të komisionit , Prelë Gjolaj shpalli edhe fituesen e çmimit te parë, nxënësen Aurora Berisha. Me tingujt e lehtë të pianos, të interpretuar nga Donika Dushaj,të cilët tingëllonin në një harmoni të mrekullueshme,u mbyll edhe ky takim. Falënderojmë nxënësit të cilët shprehen gatishmërinë ta bëjnë këtë takim më të bukur dhe më të plotë,dhe poashtu edhe të gjithë të pranishmit. /Grupi Letrar “Jehona”/
