Ansambli SHQIPONJA – Malesi e Madhe / Tuz, shfaqi koncert me rastin e festës së Pashkëve në Tuz-Malësi me datën 05.04.2015. Koncerti në Tuz ishte i karakterit humanitar, me çrast të gjitha të hollat që u bashkuan atë natë shkuan në fondin për ndërtimin e objektit të funeralit të Malësisë. Së bashku me Ansamblin SHQIPONJA mori pjesë edhe nji Ansambel i ri nga Ulqini, Ansambli Trendafilat e Shën Terezes, ku në këtë natë ishte edhe momenti më i veçantë i mbrëmjes ku për herë të parë në histori të folklorit tonë vallëzuan Gocen e Malësisë djemt e Malësisë së Madhe me vajzat e Shestanit.Në këto koncerte Ansambli SHQIPONJA nga Malesia e Madhe me qëndër në Tuz u paraqit para publikut të Malësisë me këto pika:
– Dramë dhe recital kushtuar heroit Kombëtarë Gjergj Kastriotit SKENDERBEUT,
– Kënga Prël Gjeloshi e interpretuar nga talentja e re e Malësisë së Madhe Rovena Grishaj,
– Orkestrale me motive nga Veriu,
– Orkestrale me motive nga Mati, pastaj programi vazhdoj me pjesën etno folklorike, dedikuar festës së Pashkëve e orkestruar dhe përpunuar nga udhëheqësi i ansamblit: Agron Pllumaj i cili luajti për herë të parë në këto treva me Flautin i cili erdh nga Armenia enkas për këtë pjesë muzikore.
Në këto koncerte u paraqiten edhe talentë të rinjë të ansamblit me pjeset moderne, këngë në gjuhën angleze e interpretuar me kitar nga Antigon Gjokaj, si dhe kënga “Mi heart will go on” e interpretuar nga talentja e re Hana Llukaj.
Kulminacjoni i koncertit arriti me interpretimin e melodis të serialit të famshem botërorë “Game of Thrones” ku ansambli arriti ta interpretoj me nji mjeshteri të rrallë ku për herë të parë u luajt me instrumente popullore shqiptare, pjesë e cila u orkestrua në mënyrë ethno nga vet udhëheqësi artistik i ansamblit Agron Pllumaj. Koncerti u përmbyll me Vallën e famshme të flamurit.
Në këtë koncertë kishte të ftuar edhe rapsod legjenda e lahutës Jonuz Delaj, që u shpalle edhe Anëtarë Nderit i Ansamblit SHQIPONJA, pastaj legjenda e folklorit pinjolli i dritës dhe kolosit të madhë të folklorit, drejtorit të përgjithëshëm të festivaleve folklorike në Shqipëri i madhi Gjon Frroku, si dhe artisti, organizatori i shumë aktiviteteve në Malësi të Madhe,si Manifestimi Miss Malësia në Razem – Shkrel z.Sokol Taticaj – Dj Malsori, vëllezerit Shtalbi nga Akademia e Arteve-Dega e Muzikës në Shkodër,
Ansambli SHQIPONJA falënderon Don Gaberiel Grabanicen për kontributin e dhënë, i cili edhe bëri të mundëshme bashkpunimin me ansamblin Trendafilat e Shën Terezes – Ulqin.
Falëndërojmë mediat: Tv Boin,Tv Kopliku, portalin Malesia Org, Koha.net, ripost.net etj.
Anton Pllumaj, Tuz – Malësi e Madhe
