Më 17 shkurt, Kosova shënon Ditën e Pavarësisë, një nga datat më të rëndësishme në historinë moderne të kombit shqiptar. Në këtë ditë të vitit 2008, Kuvendi i Kosovës shpalli në mënyrë solemne pavarësinë, duke kurorëzuar përpjekjet shekullore për liri, sakrificën e popullit dhe rezistencën e vazhdueshme ndaj shtypjes.
Dita e Pavarësisë shënohet me aktivitete zyrtare, homazhe për dëshmorët dhe manifestime kulturore, si në Kosovë ashtu edhe në diasporë. Për shqiptarët kudo që ndodhen, 17 Shkurti mbetet një simbol uniteti dhe krenarie kombëtare.
