Një vendim i papritur i Shteteve të Bashkuara të Amerikës ka krijuar reagime dhe debat në rajonin e Ballkanit Perëndimor. Sipas raportimeve, SHBA kanë përfshirë Shqipërinë dhe Kosovën në një listë prej 75 shtetesh për të cilat procesi i vizave është pezulluar për një afat të pacaktuar.
Ky vendim thuhet se prek drejtpërdrejt dy nga vendet më pro-amerikane në rajon, duke krijuar një situatë paradoksale në kontekstin gjeopolitik të Ballkanit. Pezullimi i vizave vjen si pjesë e një politike më të gjerë kundër emigracionit, e lidhur me qasjen e administratës së presidentit republikan Donald Trump, që nga marrja e detyrës.
Ndërkohë, sipas të njëjtave burime, Serbia nuk është përfshirë në këtë kufizim. Ky fakt ka nxitur debate dhe interpretime të ndryshme, duke qenë se Serbia është aleatja më e afërt e Rusisë në rajon.
Në mesin e 75 shteteve janë edhe Maqedonia e Veriut, Mali i Zi dhe Bosnjë e Hercegovina.
/MALESIA.ORG/
