KF Deçiqi vazhdon formën pozitive dhe ambiciet për kreun e tabelës, pasi ka shënuar një fitore të madhe ndaj Buduqnostit, duke e mposhtur me rezultat minimal 1:0, me gol të realizuar në minutën e 90-të bě Arena Besa në Tuz.
Heroi i ndeshjes ishte Robert Gjelaj, i cili pas një goditjeje nga këndi dërgoi topin në rrjetë, duke i siguruar Deçiqit tri pikë shumë të vlefshme për vazhdimësinë e kampionatit.
Vlen të theksohet se Deçiqi e ka mposhtur kampionin për herë të dytë në këtë edicion, pasi më herët e kishte eliminuar Buduqnostin në fazën e 1/8 së finales së Kupës, duke dëshmuar se sukseset ndaj skuadrës nga Podgorica nuk janë të rastësishme.
/MALESIA.ORG/
