Ferhat Dinosha, kryetar i Unionit Nacional Shqiptar, ka deklaruar se nuk ka qenë i informuar për takimin e liderëve të partive shqiptare me përfaqësuesit e partive serbe në Podgoricë.
“Për takimin kam mësuar nga mediat. Nuk e di çfarë është diskutuar, por askush nuk ka pasur mandat të flasë në emër të Forumit Shqiptar, pjesë e të cilit është edhe Unioni Nacional Shqiptar,” tha Dinosha për Antena M.
Ai shtoi se takimi nuk mund të quhet “historik” pasi, nga partitë shqiptare, vetëm kryetari i Alternativës Shqiptare ka qenë i pranishëm.
“Unë personalisht nuk do të nxitohesha në takim me politikanë që duan një rregullim tjetër të Malit të Zi, që nuk e njohin shtetin e Kosovës dhe nuk e pranojnë gjenocidin e Srebrenicës,” theksoi Dinosha.
/MALESIA.ORG/
