Në Bardhaj të Hotit, sot u përurua shtatorja e heroit malësor, të përmasave kombëtare, Dedë Gjon Lulit, e iniciuar nga Diaspora jonë, kurse e derdhur në bronz nga skulptori i njohur shqiptar Pjerin Kolnikaj.Me këtë rast u ngrit flamuri kombëtar dhe u vendosen kurorë me lule pranë shtatores së krye-ngritësit tonë.
Fjalë të rastit mbajtën Gjokë Gojçaj, ideatori i këtij projektit, pastaj Akademik Anton Berishaj, pinjolli i familjes Jashari, Lulzim Adem Jashari, pinjolli i familjes Hasan Prishtina, Mehmet Prishtina, kryetari i Unionit Artistik Kombit Shqiptar, Azgan Haklaj, deputeti Gjovalin Bzhetaj, si dhe kryetari i Komunes së Tuzit, Nikë Gjeloshaj.
Kurse të pranishmit i argëtuan Mezzosopranoja Besiana Mehmedi ecila perpos këndimit kishte edhe rolin e moderatores dhe tenori i njohur shqiptar Shkodran Tolaj.
Me këtë rast u vu në pah kontributi i breznive të kaluara për të jetuar të lirë dhe kontributi e obligimi i gjeneratve tē sotme që sakrificat mos ti lënë në harres.
Gjokë Gojçaj, në fjalën e vet falënderoi kontribuasit dhe këshillin organizativ për punën që kanë bërë.
Akademik Anton Berishaj, në fjalen e vet përshendetëse potencoi faktin se Dedë Gjo Luli, ishte një patriot shqiptar që luftoi për kauzen kombëtare dhe u takon të gjithë shqiptarëve njësoj.
Ai kritikoi mungesën e një pjese të mirë të shqiptarëve që mundohen që kësaj figure ti atribuojnë përkatësi të tjera.
Ndërkaq, kryetari i Komunës së Tuzit, Nik Gjeloshaj, premtoi se komuna do të kontribuoi që ky ambient të rregullohet, të institucionalizohet dhe të futet në mapën turistike të Malësisë.
Përpos të tjerave, kryetari i Unionit Artistik të Kombit Shqiptar, Azgan Haklaj, të pranishëmve u solli përshendetjet e Kryeministrit të Kosovës, Ramush Haradinaj dhe liderit të Partisë Demokratike të Shqipërisë, Lulzim Basha.
Në manifestim morën pjesë edhe SHKA “Dedë Gjo Luli” dhe SHKA “Rapsha”, si dhe Ansambli “Shqiponja”.
Në fund për të pranishmit organizatori shtroi një koktei modest.
Albert Camaj.
