Memoriali i Gjergj Kastriotit Skenderbeut edhe në Rumani, kur do ta shohim në Ulqin e Tuz-Malësi?
Në Bulevardin kryesorë të qytetit Krajova të Rumanisë është vendosur busti i heroit tonë kombëtar, Gjergj Kastrioti Skënderbeu.
Në kuadër të ditës së djelmërisë vlonjate në Rumani, në qytetin e Krajovës u vendos busti i heroit tonë kombëtar Gjergj Kastriot Skënderbeu. Deputetë të parlamentit shqiptar, kryebashkiaku i Vlorës, Prefekti si dhe artistë vlonjat u pritën nga deputet të Rumanisë si dhe Kryetari i Bashkisë së Krajovës.
Të gjithë deputetët shqiptarë dhe rumunë zbuluan bustin e Skënderbeut në një nga sheshet më të mëdha të qytetit të Krajovës. Deputeti Fate Velaj u shpreh se këto janë ngjarje të mëdha që mbesin në kujtesë dhe i afrojnë popujt dhe shërbejnë si ura midis qytetërimeve.
Në vendosjen e bustit Kryetari i Bashkisë së Vlorës Dritan Leli u shpreh se vendosja e bustit të Skënderbeut në sheshin e Krajaovës është në kuadër të 550 vjetorit të vdekjes së heroit tonë kombëtar.
Pas vendosjes së bustit aktiviteti u spostua në Bashkinë e Krajovës ku delegacioni shqiptar u prit nga kryetari i kësaj bashkie.
Dy kryetarët e bashkive ai i Krajovës dhe i bashkisë së Vlorës firmosën një marrëveshje bashkëpunimi.
Deputeti Velaj ashtu ai u bëri thirrje autoriteteve rumune që të njohin Pavarësinë e Kosovës.
