Ndërron jetë në moshë të re Florian Kondi, i njohur si “Doktor Flori”. Pjesëtari i grupit muzikor “West Side Family”, ndërroi jetë mëngjesin e të hënës në banesën e tij, për shkaqe ende të panjohura.
Sipas mjekëve të Qendrës Spitalore Universitare “Nënë Tereza”, “Doktor Flori” ka mbërritur i pajetë në urgjencë dhe nuk ka patur asnjë mundësi për t’i dhënë atij ndihmën e parë.
Aktualisht trupi i kengetarit ndodhet ne morg dhe pritet qe Mjekësia Ligjore të përcaktojë shkakun e vdekjes së të riut.
Doktor Flori u nda nga jeta në një moshë të re. Ai ka lënë pas dy fëmijë, një vajzë dhe një djalë të vogël, i cili kishte vetëm disa javë që kishte lindur. /TCH/MALESIA.ORG/
