Të ënjten e kaluar, me 28 Nëntor, në Ditën e Flamurit dhe Pavarësisë së Shqipërisë, Shoqata Kulturo-Artistike Koha nga Dinosha festoi 35 vjetorin e themelimit të saj.
Pas intonimit të himnit kombëtarë, në pranin e numrin të madh të pranishmëve në Q.K.I. Malësia në Tuz, kryetari i kësaj shoqate Sulejman Beqaj në emër të shoqatës përshëndeti të pranishmit dhe uroi festën e Flamurit dhe Ditën e Pavarësisë së Shqipërisë.
Beqaj tha se 28 Nëntori, festa më e madhe e kombit tonë, nuk u zgjodh rastësisht për të festuar 35 vjetorin e veprimtarisë së SHKA Koha. Përveç asaj, në këtë përvjetor u paraqit edhe dokumentari “35 vjet KOHË”, kushtuar veprimtarisë së gjatë të kësaj shoqate. Autori i dokumentarit është Samir Beqaj.
“Ishte një rrugë e gjatë, 35 vjet rrugë përplotë angazhime e sakrifica por gjithnjë e mbushur me entuziazëm dhe dashuri, rrugë me të vetmin qellim që përmes folklorit të ruhen nga harresa dhe tu përcjellim gjeneratave të reja trashëgimin e pasur kulturor dhe folklorik. Këtë rrugë brenda periudhës prej 35 viteve e kanë kaluar gjenerata të shumta, kryesisht të rinj dhe të reja nga Dinosha, nga Gruda dhe Malësia”, tha Beqaj.
SHKA Koha, Dinoshë
Premiera
Dokumentari (pjesa 1)
Dokumentari (pjesa 2)
