Ministria e Shkencës e Malit të Zi para disa ditëve ka përzgjedhur fituesit e çmimeve vjetore për arritje shkencore në vitin 2012.
Çmimi për drejtuesin e projektit shkencor-hulumtues dhe ekipit hulumtues i ka takuar prof. dr. David Kalaj nga Tuzi, njofton Kohapress. Ai ka realizuar projektin më të suksesshëm në nivelin shtetërorë për vitin 2012, me ç’rast fitoi çmimin me vlerë prej 5000 euro.
Kalaj është profesor në Fakultetin e Shkencave Matematiko – Natyrore dhe udhëheqës i Programit Studimor për përgatitjen e mësuesve në gjuhën shqipe në Universitetin e Malit të Zi në Podgoricë.
Punimet shkencore të dr. Kalaj shpesh janë publikuar në revistat shkencore më prestigjioze botërore. /Malesia.Org/
