Koalicioni i partive shqiptare “Forca për Bashkim”, Partia Boshnjake dhe Iniciativa Qytetare Kroate do të takohen nesër për ta finalizuar platformën e përbashkët e cila do të jetë bazë për bisedime me koalicionin Mali i Zi Evropian.
Takimi i cili ishte i paraparë të zhvillohet sot, u shty për nesër për shkak të festës së Bajramit.
Nga subjekti kroat kanë paralajmëruar se kërkesat e pakicave do të jenë reale.
Partia Boshnjake më herët ka paralajmëruar se do të kërkojnë postin e nënkryetarit të qeverisë dhe pritet që subjekteve të pakicave do të ju takojnë edhe vendi i ministrit për të drejtat e njeriut dhe pakicave por edhe një ministri tjetër eventuale, njofton RTCG. /Malesia.Org/
