Kryetari i Klubit të deputetëve të partive shqiptare Vasel Sinishtaj ka vlerësuar se ministri për të drejtat e njeriut dhe të pakicave Ferhat Dinosha e mban një pjesë të fajit pse me miratimin e ligjit për zgjedhjen e këshilltarëve dhe të deputetëve, shqiptarët kanë mbetur pa 5 mandate të garantuara.
Duke komentuar qëndrimin e Dinoshës se pa rrethin e dytë të votimeve në Kuvend nuk mund të vendoset për të drejtat e pakicave dhe se për këtë arsye ligji nuk është miratuar përfundimisht, Sinishtaj ka vlerësuar se kjo nuk është në pajtim me Kushtetutën. Ai ka theksuar se edhe për kundër faktit se Dinosha është ministër në Qeverinë e Malit të Zi, ende ekziston distancë e madhe ndaj shqiptarëve dhe se në strukturat e pushtetit ka më së paku përfaqësuese të këtij populli bile as për afërsisht përfaqësimit autentik të tyre.
Është meritë e Dinoshës që ende nuk kemi Komunë të plotë të Malësisë me qendër në Tuz sepse vota e tij ishte vendimtare për ligjin për kryeqytetin ka theksuar Sinishtaj. Sinishtaj përsëriti se Mali i Zi me miratimin e ligjit zgjedhor ka filluar shkatërrimin e konceptit të shtetit qytetarë. Sipas fjalëve të tij shqiptarëve për herë të parë prej vitit 1998 u merret e drejta e arritur sipas të gjitha normave dhe standardeve ndërkombëtare. Ai konsideron se partitë shqiptarë kanë treguar qartë qëndrimet e veta dhe paralajmëron se do të luftojnë me të gjitha mjetet politike që shqiptarëve tu kthehen 5 mandate dhe njësia e veçantë zgjedhore.
Sinishtaj ka paralajmëruar se Partisë shqiptare do ti njoftojnë për këtë problem ambasadën e SHBA dhe misionin e OSBE në Podgoricë si dhe përfaqësuesit e pushteteve në Shqipëri dhe në Kosovë. Ai shtoi se nuk mund të flitet për marrëdhënie të mira fqinjësore dhe të kërkohen të drejtat për malazezët në Kosovë , kurse njëkohësisht tu merren të drejtat shqiptarëve në Mal të Zi. /rtcg/
